O Concello de Rianxo anunciou que vai incorporar en datas vindeiras, a través da Oficina de Emprego de Boiro, a catro peóns/peoas para realizar accións preventivas fronte aos incendios forestais e a recuperación de itinerarios de interese natural.
O respaldo económico da Consellería de Emprego, no marco do programa Galicia Suma Talento: Rural Activo, facilitará a contratación a xornada completa de catro profesionais, en situación de desemprego e con especiais dificultades de inserción, que durante nove meses acumularán experiencia, mellorando así as súas posibilidades futuras de acceso ao mercado laboral, segundo constatou o Concello de Rianxo.
