Unha tolemia: o sumario do caso Zapatero semella ter tantas ramificacións que non se pode determinar quen, realmente, pode ser relacionado cunha presunta trama corrupta supostamente “dirixida” polo expresidente José Luis Rodríguez Zapatero. Este sería, segundo se despende desa trama corrupta que desenvolve o xuíz do caso, a cabeza reitora dunha organización denunciada por Anticorrupción após as alertas emitidas desde Suiza e Francia.
Para o xuíz instrutor a compañía aérea Plus Ultra contratou os servizos de Análisis Relevantes, a sociedade de Julio Martínez Martínez que, á súa vez, contrataría os de José Luis Rodríguez Zapatero -a quen o maxistrado Calama apunta como supostamente relacionado co rescate da aeroliña- cuestión que Zapatero desmentiu de xeito tallante.
O propio entorno do expresidente coida como improbable que se poida demostrar a atribución a Zapatero nesa trama delitiva e que realizara unha acción semellante. Tampouco admite a imputación do expresidente por organización criminal, falsidade e tráfico de influencias no caso Plus Utra.
Son moitos os que entenden que Zapatero está a pagar agora, após as eleccións andaluzas e os resultados finais destas, a súa importante participación desde 2023 nas campañas electorais socialistas.
Para o propio Zapatero, os informes da UDEF chegan a “conxeturas completamente disparatadas” que o culpan dunha “conduta delitiva moi grave”. Concluiu días atrás que as súas actuacións foron “perfectamente legais” e que nas súas relacións fiscais non hai contas pendentes.
Aínda que por apreciacións ben diferentes, o tamén expresidente do Goberno Felipe González, non ve a Zapatero “con capacidade para montar esa enxeñería financeira”.
