Mimarte, espazo creativo do Barbanza centrado nas artes escénicas e nas habilitades sociais, vai celebrar o vindeiro domingo 14 de xuño o seu festival MimarteSONFest edición 2026. Celebrarase na Casa da Cultura do Porto do Son a partir das 19.30 horas. Será unha gala protagonizada polo alumnado do espazo creativo e de artes escénicas impulsado por Mimarte no Porto do Son. Haberá actividades de humor, sketches, baile, música e balé. A entrada será libre ata completar cabida. Organiza Mimarte en colaboración co Concello de Porto do Son.
MiMarte é un espazo creativo e de artes escénicas que desenvolve a súa actividade formativa e cultural tanto en Ribeira (onde ten a súa sede principal) como no Porto do Son.
No Porto do Son, a súa actividade céntrase en impartir clases e organizar eventos culturais enfocados na expresión artística, como unha escola de danza e movemento, outra de artes escénicas e unha liña de actividade adicada a organizar festivais e eventos como o MimarteSONFest en colaboración co Concello de Porto do Son, un festival onde o alumnado do municipio amosa o aprendido enriba do escenario.
