O Concello de Muros continúa co plan de mantemento e posta a punto das zonas verdes do municipio.
Nestes pasados días leváronse a cabo traballos de roza e limpeza dos xardíns e dos accesos ao Pavillón de Miraflores e ao Campo de Fútbol Eleuterio Balayo, co obxectivo de mellorar o estado destes espazos e facilitar o seu uso.
Trátase dunha actuación planificada pola Concellería de Obras e Servizos e executada por unha empresa externa, co fin de avanzar de maneira áxil no acondicionamento dos espazos públicos.
A concelleira de Obras e Servizos, Laura Rivadeneira, sinalou que “estes traballos permiten manter en boas condicións unhas instalacións moi utilizadas pola veciñanza, garantindo espazos máis seguros, accesibles e agradables para o seu uso diario”.
Os traballos continuarán nas vindeiras semanas noutras zonas do concello, engadiu a concelleira.
