O Concello de Boiro celebra este sábado 30 de maio unha gran festa do deporte que vai servir como broche final á tempada 2025/2026 das Escolas Deportivas Municipais. Celebrarase nas pistas de A Boqueira de A Negral e o Pavillón da Cachada e contará con exhibicións e entrega de agasallos.
A partir das 10.00 horas haberá exhibicións de distintos deportes como tenis infantil, baloncesto, ciclismo, xadrez, voleibol ou patinaxe. Ás 11.30 hora terá lugar a entrega de premios de tenis e a partir das 12.00 entrega de agasallos a todos os rapaces das distintas escolas deportivas no Pavillón da Cachada.
Previamente, o sábado pola tarde celebrarase a clausura da ximnasia para xubilados e programa Boiro Actívate, ás 17.00 horas no Pavillón de Barraña; é ás 19.00 entrega de premios das ligas de fútbol biberón no Campo de Fútbol de Vista Alegre.
Durante o curso 2025/2026 desenvolveuse a XXXIII edición das Escolas Deportivas Municipais que engloban actividades para nenos e nenos, así como propostas para persoas adultas, que se desenvolven coa colaboración dos clubs deportivos do municipio.
A oferta de actividades para persoas adultas engloba ximnasia para xubilados; Boiro Actívate, un programa específico para persoas con patoloxías; e tenis. En canto ao programa deportivo infantil e xuvenil hai mellora da motricidade, tenis, ciclismo, atletismo, voleibol, xadrez, remo, piragüismo, baloncesto, triatlón, natación, golf, vela e patinaxe artístico.
