Este sábado 30 de maio vaise celebrar a edición 2026 da Gala do Audiovisual do IES Félix Muriel de Rianxo. Será na Sala Arcos Moldes do Auditorio de Rianxo, a partir das 20.00 horas.
O obxectivo é visualizar e reivindicar as creacións audiovisuais do alumnado materializadas ao longo do presente curso. Deste xeito, o miolo da gala será a proxección das pezas realizadas nas actividades de radio, cinema e creación audiovisual impulsadas polo centro educativo.
Na gala presentarase oficialmente Ausencia, a nova curtametraxe do IES, premiada recentemente cun segundo premio no Festival Olloboi, con sede en Boiro.
Tamén se proxectará O Suso, peza do IES inspirada no relato de X. L. Méndez Ferrín.
