Volve este mes de maio o Serán de Vai de Roda. Será este sábado 9 de maio no Campo de Arriba de Rianxo, achegando unha noite aberta e participativa “chea de música, baile, comida e bebida para tod@s”. Organiza a Asociación Vai de Roda en colaboración co Concello e a Deputación da Coruña.
Vai de Roda é unha asociación xurdida hai case dúas décadas para “promover e divulgar a música e o baile tradicional galego, así como todas aquelas formas de expresión que estes leven asociados (tecidos, vestimentas, costumes…)”.
Ao seu abeiro impulsouse unha escola de música e baile tradicional que é xa un referente no Barbanza e Galicia no ámbito formativo e dinamizador. Este legado divulgador e dinamizador é unha das claves dos seus festivais, entre os que se atopa o de Nadal.
