Este domingo 10 de maio vaise celebrar a nova edición da tradicional Romaría de Moldes, a carón do histórico cruceiro do mesmo nome (no alto da parroquia de Oleiros, en Ribeira). A festa dará comezo ás 9.00 horas coas bombas de palenque, seguidas dunha alborada a cargo de Os Caraveiros e Os Pequenos do Barbansa.
Ás 11.30 horas volverá a música coa Charanga Os Celtas. Ás 13.00 horas haberá unha misa cantada coa Coral Abrente (Amas de Casa da Pobra) e o grupo de gaitas Os Caraveiros.
Logo das bombas de palenque do mediodía dará comezo unha sesión vermú amenizada por DJ Jalaiko.
Haberá sorteos durante a sesión vermú e haberá racións de polbo e churrasco da man da Pulpería García.
