Unha semana máis os portos do Barbanza volven ser o escenario de sucesos tráxicos. Este luns 18 de maio apareceu ao mediodía o corpo dun home de entre 70 e 80 anos flotando no mar do Escarabote, Boiro, segundo confirmaron fontes do 112, que tamén confirmaron que o corpo foi achado por un particular, que deu o aviso ao servizo autonómico de emerxencias e este, á súa vez, a Salvamento Marítimo, ao Servizo de Gardacostas e ao Servizo de Urxencias 061.
As forzas de seguridade comezaron no dito punto a intentar dilucidar as causas da morte, aínda que ao parecer todo apunta a que a aquelas foron accidentais.
