A Asociación Saúde Mental A Creba, entidade inclusiva do Barbanza, comunicou que vén de recibir da Deputación da Coruña dúas subvencións que suman un importe de 66.160 euros. Segundo explicaron dende a asociación, estes cartos permitirán á entidade seguir traballando para mellorar a calidade de vida das persoas con problemas de saúde mental.
Unha das axudas de 12.160 euros (FOAXE/C2026), empregarase para a axuda ao Mantemento do centro de Rehabilitación Psicosocial e Laboral que a entidade ten en Noia, no Polígono Industrial Augalevada. A outra de 54.000 euros (FOIE/2026), servirá para a axuda da adquisición dun piso para uso de vivenda protexida para as persoas usuarias.
