A ANPA Santa Uxía do CEIP O Grupo de Ribeira preparou un completo programa cultural e festivo para celebrar o 17 de maio, Día das Letras Galegas, adicado este ano á escritora viguesa Begoña Caamaño. A asociación de nais e pais festexará a nosa cultura o venres 15 de maio no patio exterior do colexio, dende as 17.00 ata as 20.30 horas. O programa inclúe diversas actividades de animación, divertimento, xogo e música para cativada de 3 a 13 anos acompañados das súas familias, incluíndo merenda con carrapito, zumes e augas.
Manolo Sieira, Luis Parada, Sabela Cuñarro, Noelia Cuevas e Unai González; respectivamente vogal, vogal, secretaria, vicepresidenta e presidente da ANPA
A actividade é gratuíta para socias e socios da ANPA, pero tamén poden asistir non socios/as aínda que terán que pagar unha entrada de 5 euros co obxectivo de axudar ao financiamento das actividades que organiza directa e integramente a entidade escolar. Tamén as familias que queiran poderanse facer socios na propia actividade e entrar de balde.
É a primeira vez que dende a ANPA organízase unha actividade así para celebrar o Día das Letras Galegas que este ano está dedicado a Begoña Caamaño. Haberá inchábeis variados de gran tamaño, música e animación con monitorado de tempo libre, obradoiros de globoflexia e chapas conmemorativas do Día das Letras, xogos populares como birlos, zancos, chave, bolas, ra… Tamén haberá unha actuación de Pakolas co espectáculo Ramona Orbita ás 19:30 h e todos os asistentes terán unha merendiña con rosca, zume e augas.
Esta actividade conta coa colaboración da Deputación da Coruña na súa liña de subvencións anuais, ademais do propio colexio o grupo que nos presta as instalacións.
