As comarcas das Rías Baixas e Santiago de Compostela vivirán un Xoves Santo 2 de abril de tempo maioritariamente estable, marcado polo paso dunha fronte moi pouco activa polo extremo norte de Galicia.
Nas Rías Baixas e na área compostelá predominarán os ceos pouco nubrados ou despexados, con presenza puntual de nubes altas. Co avance da xornada iranse abrindo aínda máis claros, consolidando un ambiente seco e agradable.
Iso si, as temperaturas experimentarán un lixeiro a moderado descenso, polo que se notará un ambiente algo máis fresco respecto a días anteriores. (máximas de 21 graos nas rias e 17 no interior).
En canto ao vento, soprará do norte-nordés frouxo no interior, mentres que no litoral das Rías Baixas poderá acadar intensidade moderada.
O noso mar; Vento do nordés, forza 3 a 4 á mañá, 4 a 5 á tarde e 3 a 5 á noite. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 1 a 2 metros á mañá e 1 a 1.5 metros á tarde e á noite.
