O Centro Social de Abanqueiro vai acoller este venres 24 de abril un espectáculo teatral para a rapazada: A tarabela ambulante: IDEA, a cargo de Tarabela Creativa.
Será a partir das 20.00 horas.
Esta é a historia de Mariña, unha nena que grazas ao aburrimento convértese en idea. O seu pensamento ten forma de tarabela de cores. Unha tarabela de 2.20m de altura que cada vez que xira fará que se lle vaian ocorrendo un lote de ideas mentres xoga na súa habitación. Así, irase enfrontando a dragóns, a xigantes, aprenderá a usar o enxeño e ata tocará o violoncello. Usará a linguaxe do xogo, mediante a cal poderemos entrar no seu universo, no que encarnará a distintos personaxes fantásticos. E a iso tamén nos axudarán os seus enormes xoguetes, a música, os efectos visuais e sonoros e o vestiario.
Ficha artística
Elenco espectáculo: Mariña Pena
Dirección: Carmen Conde
Duración minutos: 50min
Escenografía: Bieito Inc.
Arte: Marga Portomeñe
Son: Diego Gallego
Iluminación: Diego Gallego
Edición de audio en estudio: Ezequiel Orol
Vestiario: Los alfileres de Elia
Fotografía: Iván Mouronte
Colabora: Concello de Sarria
