O Concello de Rianxo está a traballar arreo estes días, a través do seus servizos de limpeza, obras e mantemento, para corrixir os estragos causados polo tren de temporais do pasado inverno. Ademais, grazas á axuda recibida de mans da Deputación da Coruña, de cara ao verán incorporaranse sete persoas ao equipo de operarios do Servizo de Obras para ocuparse de manter os areais do concello, castigados polo mal tempo deste ano, no mellor estado posíbel. Por outra banda, o alcalde Julián Bustelo lembrou que “un ano máis, tres praias rianxeiras (Tanxil, Cunchas e Torre) foron incluídas no Rexistro de Augas de Baño de Galicia foron cualificadas polo Servizo Galego de Saúde como de calidade excelente”.
