O Ciclo Primavera de concertos de música do Concello de Rianxo depáranos esta semana dúas citas relevantes: unha (o venres) co Cuarteto MarAslens e outra (o sábado) co Orfeón Terra A Nosa.
O concerto deste venres 24 de abril virá da man do Cuarteto MarAslens, formado pola soprano noiesa Esperanza Mara (voz e chelo) con Juanma Varela (piano), Fernando Docampo (violín e instrumentos de sopro) e Luís Sanmartín (percusión e batería). Dará comezo ás 20.30 horas e a entrada será de balde até completar a capacidade do aforo. A recollida de convites poderá facerse dende unha hora antes da función (máximo 2 por persoa).
Na cita do sábado 25 de abril será o Orfeón Terra A Nosa a agrupación que ofreza un recital, coincidindo co seu 60 aniversario. A entrada será de balde e os convites poden obterse dende unha hora antes da función (máximo dous por persoa). O Orfeón interpretará obras do século XIX de compositores como Mercadante, Zingarelli, Arriaga, Puccini ou Donizetti.
