A 26 edición da Festa do Pampallín (Outes) xa ten cartel. Haberá dúas xornadas de celebración: o 30 de abril (a partir das 22.00 horas na praza de Galicia) e o 1 de maio (a partir das 17.00). A axenda de actividades porá o foco na xuventude, coa actuación o primeiro día de Unto Vello, Broken Peach, Asacocirco, Grupo Cayena e 9Louro. Ao día seguinte haberá actividades para a rapazada durante a tarde (inchábeis e xogos tradicionais a cargo de Somos Enredos) e novamente circo con Asacocirco. A festa rematará co música urbana e DJ. Organiza o Concello en colaboración coa Xunta e a Deputación.
A festa do Pampallín de Outes é unha celebración tradicional e histórica co-impulsada dende o Concello e a través da cal festéxase o ciclo da primavera e a purificación propiciada polo lume (representado polos fachos de palla que dende tempos inmemoriais empregaban os labregos para ver de noite).
