O Concello de Rianxo aprobou finalmente o proxecto para a remodelación da zona deportiva situada a carón do Campo de Arriba, no centro da vila, un proxecto que en palabras do Goberno local “obedece a unha vella demanda das familias rianxeiras dada a falta deste tipo de espazos na vila”.
A iniciativa inclúe entre outras cousas a creación dunha pista multideportiva e un circuíto de calistenia, que tamén forma parte das peticións cidadás respecto das infraestruturas deportivas existentes na vila.
O proxecto conta cun orzamento de 48.380,64€ e o Concello agarda executalo antes do remate do presente ano.
