O Concello de Boiro recibe da Deputación da Coruña unha subvención por importe de 14.475,00 euros para financiar gastos de persoal técnico nos servizos municipal de cultura durante o ano 2026. O importe da subvención concedida vaise destinar a financiar os gastos de mantemento do persoal técnico que desenvolve as funcións do departamento.
O departamento de cultura do Concello de Boiro ocupase de deseñar, programar e impulsar actividades culturais no municipio que favorezan a promoción e difusión da programación cultural. Ademais ocupase da elaboración de programas propios como axenda cultural de actividades durante todo o ano e datas específicas como son o Entroido, as Letras Galegas, as Festas do Verán ou o Nadal.
O Concello de Boiro conta, ademais, con equipamentos culturais nas distintas parroquias do municipio, polo que se trata dun servizo descentralizado e que leva a programación de actividades culturais aos distintos centros socioculturais; así como a xestión dos propios espazos nos que o tecido asociativo desenvolve programacións propias.
