O Concello de Boiro está a levar a cabo obras para a mellora dun camiño peonil na situado na parte alta da renovada vía da costa de Espiñeira. O alcalde, José Ramón Romero, e o tenente de alcalde, Luís Ruiz, visitaron este mércores 29 de abril o lugar para coñecer o desenvolvemento das obras.
Explicaron que se trata dun camiño moi empregado polo alumnado do IES Espiñeira para desprazarse ao mesmo e que conta cun firme moi degradado e que dificulta o tránsito polo mesmo debido á pendente natural do mesmo. “Esta é unha pequena obra pero resulta necesaria debido ao tránsito de persoas que a diario usan ese camiño”, afirmou o alcalde.
As obras, que ascenden aos 17.847,50 euros, contemplan a renovación do firme así como a dotación do mesmo con alumeado público para mellorar a seguridade dese tramo.
