O Concello de Noia, no marco do seu compromiso coa recuperación e difusión da nosa historia democrática, organizou este mes de abril unhas xornadas dedicadas á II República que incluíron, entre outras actividades de interese, unha homenaxe a Maxi Olariaga, falecido en 2018, baixo o epígrafe Na defensa dos valores republicanos. A cita (este venres) celebrouse no Casino de Noia e comezou cunha mesa redonda pola memoria na que se compartiron reflexións e coñecemento sobre feitos do pasado noiés, para logo abordar a homenaxe a Olariaga na compaña da súa familia. O acto contou cunha relevante participación de público, contribuíndo a afondar no coñecemento da historia local.
Interviñeron o alcalde Francisco Pérez e a concelleira de Cultura, Chelo Martínez, ademais de Luís Veiras, Rafael García, Manolo Carredano, Ana Blanco, Rafa García e Aurora Marco, compañeiros o homenaxeado e expertos no seu legado, quen compartiron historias e anécdotas do autor e das súas importantes contribucións ao xornalismo, á literatura e mesmo á música. O Concello puxo o ramo do acto facendo entrega aos asistentes dun libro editado especificamente para o acto conmemorativo, que recolle a obra de Maxi Olariaga e dedicatorias dos participantes na homenaxe.
