O Concello do Porto do Son informou que nas últimas datas remataron as obras de restauración e recuperación das zonas costeiras, realizado desde Xuño ata as Lagoas de San Pedro, nos areais de Furnas a Seráns.
Este proxecto, financiado a cargo do Ministerio para la Transición Ecolóxica e o Reto Demográfico con fondos Next Generation da UE do Plan de Recuperación, Transformación e Resiliencia, contemplou a protección e restauración destas zonas costeiras, adaptándoas para o cambio climático e implementando estratexias mariñas e plans de ordenación do espazo marítimo.
Dende o Concello do Son engaden que a actuación perseguiu varios obxectivos como loitar contra a erosión na costa, aumentando a súa resiliencia e fortalecemento do litoral fronte aos efectos do cambio climático. “Así, levouse a cabo a instalación de novas pasarelas de madeira a ras de chan, así como tamén instalación de sinalética e eliminación de plantas invasoras”, informaron fontes do Consistorio.
Tras o remate do proxecto, o alcalde, Luis Oujo, agradeceu esta achega do Ministerio “que é fundamental para a recuperación ambiental deste espazo e que ademais xa está rematado e chega a tempo para a temporada de verán”.
O rexedor tamén lembrou “a importancia que ten está actuación tanto a nivel medioambiental como para o uso e desfrute deste fermoso espazo natural por parte da veciñanza e turistas”.
