O Centro Social de Boiro vai dar acollida este mércores 29 de abril a unha charla sobre a regularización extraordinaria de inmigrantes levada a cabo polo Goberno central e sobre os pasos a seguir (tramitacións, solicitudes) para acadar a regularización. A cita será a partir das 9.30 horas. Está organizada (e impartida) pola Cruz Vermella de Boiro en colaboración co Concello.
A Regularización Extraordinaria de Inmigrantes 2026 é un proceso excepcional aprobado polo Goberno de España, mediante Real Decreto, que permite a estranxeiros en situación administrativa irregular obter permiso de residencia e traballo se estaban no país antes do 1 de xaneiro de 2026. Este mecanismo busca ofrecer seguridade xurídica a unhas 500.000 persoas e intégrase no Plan de Integración e Convivencia Intercultural.
Esíxese principalmente o seguinte: estar en España antes do 1 de xaneiro de 2026, acreditar unha permanencia ininterrompida de polo menos 5 meses, non ter antecedentes penais en España nin en países anteriores, e presentar pasaporte caducado ou en vigor. Débese demostrar a estancia mediante empadroamento, informes médicos, ou contratos.
