O programa da USC para maiores dos concellos, Camiños de Coñecemento e Experiencia, chega novamente a Noia, da man da Universidade de Santiago en colaboración co Concello, Trátase dunha iniciativa de formación universitaria dirixida a persoas maiores de 50 anos, cun completo programa de sesións sobre tecnoloxía, educación e participación dixital. “Estamos ante unha actividade moi enriquecedora, que ofrece a oportunidade de seguir aprendendo, compartir experiencias e manterse activo intelectualmente nun ambiente participativo e dinámico”, engaden dende o Concello, lembrando que aínda hai prazas dispoñíbeis para as persoas interesadas en participar.
A inscrición pode realizarse chamando ao Concello de Noia (981 84 21 00), por WhatsApp no 626 771 219 ou de maneira presencial nas súas instalacións.
Ademais, o programa remata cun acto de graduación en Santiago de Compostela, onde se celebra un evento artístico especialmente pensado para todas as persoas participantes.
