O Concello de Boiro e Centro de Información á Muller (CIM) de Boiro proseguen esta semana as actividades do programa Muller e Saúde.
Este mércores 25 de marzo celebrarase ás 16.30 horas no Cetro Social de Abanqueiro a charla Xestión emocional do duelo, impartida pola asociación Andaina Pro Saúde Mental.
Ademais, o venres 27 de marzo desenvolverase ás 16.00 horas no Centro Social de Abanqueiro a charla Educación emocional e técnicas de relaxación, impartida por Mercedes Urbiola Ituarte da Escola Galega de Saúde Pública (SERGAS).
O ciclo Muller e Saúde, en Boiro, lévase a cabo baixo o epígrafe Un espazo seguro onde aprender, relacionarse e conectar.
Inscricións no enderezo electrónico cim@boiro.org ou no teléfono 669 582 674.
