As comarcas das Rías Baixas e da área de Santiago de Compostela vivirán este martes unha xornada de tempo relativamente estable, nun contexto meteorolóxico marcado por unha situación de transición entre as altas presións situadas nos Azores e as baixas presións localizadas ao sur da Península Ibérica.
Segundo as previsións, agárdanse ceos parcialmente cubertos durante boa parte do día, aínda que a probabilidade de precipitación será baixa en xeral. Co avance da tarde poderán abrirse claros en distintos puntos, especialmente nas zonas costeiras e as chuvias regresarán cara a noite.
En canto ás temperaturas, as mínimas manteranse sen cambios significativos ou poderán experimentar un lixeiro descenso, mentres que as máximas tenderán a subir lixeiramente, deixando un ambiente algo máis agradable nas horas centrais da xornada(14 a 16 graos).
O vento soprará frouxo de compoñente norte, sen grandes incidencias ao longo do día.
O noso mar; Vento do norte á mañá, do noroeste á tarde e variable á noite, forza 1 a 3 á mañá, 2 a 4 á tarde e 1 a 2 á noite. Mar ovellado á mañá, marusía á tarde e mar rizado á noite. Visibilidade boa á mañá e á tarde e regular á noite. Mar de fondo do noroeste, con ondas de 2 a 3 metros á mañá e á tarde e 2.5 a 3.5 metros á noite
