As comarcas das Rías Baixas e a área de Santiago de Compostela estarán baixo a influencia dunha situación meteorolóxica marcada pola presenza dunha baixa no centro peninsular e polas altas presións situadas nas Azores, que favorecerán unha circulación de ventos do norte e a chegada de aire frío en altura.
Durante a xornada predominarán os ceos nubrados. Nas Rías Baixas e en Santiago poderán rexistrarse precipitacións ocasionais e intermitentes nas primeira horas, con períodos de tregua ao longo do día.
A cota de neve situarase arredor dos 1.000 metros nas primeiras horas e irá ascendendo progresivamente ata os 1.200 metros cara ao final da xornada, afectando principalmente ás zonas montañosas do interior.
No apartado térmico, as temperaturas mínimas apenas experimentarán cambios, aínda que poderán descender lixeiramente no interior. Pola contra, as máximas sufrirán un moderado descenso, deixando unha sensación máis fría, especialmente nas horas centrais do día.(máximas 9 a 12 graos).
O vento soprará de compoñente norte, con intensidade forte no litoral e nas zonas altas e moderada no resto do territorio, polo que nas áreas costeiras das Rías Baixas poderá sentirse con maior intensidade.
O noso mar: Vento do norte, forza 6 a 7 á mañá, 5 a 6 á tarde e 4 a 6 á noite. Media vaga á mañá e forte marusía á tarde e á noite. Visibilidade boa á mañá e á tarde e regular á noite. Mar de fondo do noroeste, con ondas de 1.5 a 2.5 metros.
