O 12 de abril BarbanTEA (Asociación de Trastornos do Espectro Autista do Barbanza) vai celebrar en Ribeira a terceira edición da súa Andaina Solidaria. Haberá sorteos para os asistentes cortesía dos comercios locais. O percorrido será de cinco quilómetros (percorrido accesíbel para todas as persoas) e dará comezo ás 10.00 horas, dende o Parque García Bayón, en Santa Uxía, cunha doazón solidaria de 5 euros por cada participante.
As inscricións poden facerse nas accións formativas de BarbanTEA, no Parque de García Bayón (o día da andaina), a través do QR do cartel ou na ligazón habilitada en Galitiming.
Ademais, habilitarase unha fila 0 para colaborar sen que sexa preciso participar directamente.
A inscrición dos nenos e nenas de 0 a 3 anos será de balde.
