O Concello de Rianxo, a través do Servizo de Xuventude, organiza un novo curso de lingua de signos. Será unha formación de 30 horas correspondente ao nivel A1.A. Trátase dun curso dirixido á mocidade de 16 a 35 anos empadroada en Riaxo, se ben poderán acceder outras persoas no caso de que queden prazas dispoñíbeis. O prazo estará aberto até o 11 de marzo. O curso desenvolverase dende o 17 de marzo ao 28 de abril, en horario de tarde: de 16.30 a 19.30 horas. O prezo será de 50 euros (tarifa reducida de 35 euros).
O nivel A1 de Lingua de Signos Española (LSE) é o primeiro chanzo de usuario básico, deseñado para principiantes sen coñecementos previos. Os contidos achegan capacitación para comunicarnos en situacións cotiás, signar datos persoais, saudar e usar vocabulario elemental.
