Quen pode estar en contra da prórroga automática dos contratos de alugueiro por un período de dous anos e co incremento máximo da renda dun 2%?. Pois si, a patronal inmobiliaria e uns cuantos rentistas que pretenden continuar coa especulación máis miserable nestes momentos de dificultades para millóns de familias españolas, xa que os grandes propietarios (con máis de dez inmobles en propiedade), bancos ou fondos de investimento xa están obrigados a cumprir coa normativa.
A vivenda continúa sendo o principal problema para a maioría dos cidadáns pero algúns rentistas con pouca vergoña dedícanse a impoñer uns prezos desorbitados aos arrendamentos de vivendas habituais para enriquecerse dunha maneira miserable, á conta de familias traballadoras.
Os actuais inquilinos que superaron os cinco anos de vixencia nos seus respectivos contratos de arrendamento deberían solicitar, por escrito aos arrendadores (nestes trinta días) o acollemento á prórroga automática dos alugueiros. Os rentistas normais, empáticos e patriotas seguro que non se opoñerán e accederán amablemente ao que é de xustiza, nestes momentos de dificultades económicas para moitas familias españolas.
