A AECC vai organizar en Noia este mes de marzo unha nova actividade de divulgación e formación de carácter solidario. Trátase dunha charla e dun obradoiro (os dous de balde) sobre os beneficios e vantaxes do exercicio físico nas persoas con cancro. A charla será este mércores 18 de marzo a partir das 16.30 horas e o obradoiro o vindeiro mércores 25 de marzo a partir das 16 horas. As dúas actividades desenvolverase na sede do Edificio Casino de Noia, no 8 da rúa de Galicia. As inscricións cómpre facelas no teléfono 981 14 27 40 ou a través do correo electrónico acoruna@contraelcancer.es. Trátase dunha actividade dobre abeirada ao programa da Cátedra AECC-UDC Exercicio Contra o Canctro, que ten como obxectivo mellorar a calidade de vida das persoas enfermas de cancro e das súas familias a través do exercicio físico.
