O Concello de Rianxo, a través do Servizo de Deportes, organiza un percorrido xacobeo nesta primavera: Camiño de Santiago 2026: O Camiño Francés (dende O Cebreiro ata Compostela. A actividade desenvolverase en sete etapas a desenvolver nos meses de marzo, abril, maio e xuño. Haberá 105 prazas dispoñíbeis e o prazo de inscrición ficará aberto até o 18 de marzo. Quen precise máis información tena na aplicación Cluber.es. Trátase dunha proposta para persoas maiores de 18 anos na que se dará prioridade ás veciñas e veciños de Rianxo.
Etapas: O Cebreiro – Triacastela 21,8 km; Triacastela – Sarria (por Samos) 25,1 km; Sarria – Portomarín 23,1 km; Portomarín – Palas de Rei, 25 km; Palas de Rei – Arzúa, 28,8 km; Arzúa – Arca (O Pino), 18,4 km; Arca – Santiago de Compostela, 20 km.
Cada etapa terá o seu propio programa, no que se detallarán as cuestións relativas á organización, horarios, normas e desenvolvemento da actividade.
O punto de encontro para a saída desde Rianxo establécese na parada de autobuses do paseo da Ribeira.
Cada etapa ten un prezo de 15 €.
O prezo inclúe os custes de organización, transporte, monitorado e seguro de accidentes.
Como dixemos, ofértanse 105 prazas. O número mínimo de participantes para que se desenvolva a actividade é de 35.
