A Concellería de Obras e Servizos de Muros informa á veciñanza de que, tras un inverno marcado polos temporais, os areais do concello víronse afectados pola chegada de residuos arrastrados polo mar. “Por este motivo, estamos a levar a cabo labores intensivas de limpeza nas praias do noso municipio co obxectivo de deixalas en perfectas condicións de cara á chegada do bo tempo”, explica a concelleira Laura Rivadeneira.
“Traballamos para que veciños, veciñas e visitantes poidan desfrutar dun entorno natural limpo, seguro e coidado, como o noso concello merece”, engade.
As tarefas nos areais e os espazos verdes do Concello de Muros continuarán durante as próximas semanas.
