O Concello de Boiro vén de levar a cabo unhas actuacións para a mellorar a seguridade viaria no entorno do Campo de Fútbol de Valiño, en Cabo de Cruz. O alcalde, José Ramón Romero, e o concelleiro de Deportes, Marcos Fajardo, visitaron o lugar para coñecer o resultado final das obras.
Explicaron que as actuacións levadas a cabo ascenden aos 25.327,97 euros e contemplan a dotación de pluviais, o acondicionamento do terreo e a pavimentación do mesmo para mellorar as condicións da vía e garantir unha mellora da seguridade viaria no acceso á instalación deportiva.
Engadiron que estamos ante “unha zona con moito tránsito diario de vehículos debido á gran afluencia de persoas que cada día pasan pola instalación deportiva”.
Con estas actuacións o que se fixo foi mellorar os accesos e a contorna do campo de fútbol, facilitando así o acceso de vehículos e peóns á instalación.
