O Concello de Boiro convoca un proceso selectivo para a confección dunha bolsa de emprego para a contratación laboral temporal de peóns de servizos varios para programas de integración laboral. O sistema de acceso será mediante concurso-oposición libre e o prazo de presentación de solicitudes será de cinco días hábiles a contar dende o día seguinte ao da publicación do anuncio.
As persoas candidatas deberán cumprir cunha serie de requisitos como son ter a nacionalidade española ou algunha outra que permita o acceso ao emprego público; ter cumpridos os 16 anos; non padecer enfermidade ou defecto físico que impida o desenvolvemento das funcións propias do posto de traballo; non atoparse incurso en causas de incompatibilidade; non ser despedido mediante expediente disciplinario do servizo de ningunha administración pública; estar en posesión de, como mínimo, 2º da ESO ou equivalente; e estar en situación de desemprego.
O BOP do 20 de marzo de 2026 publica as bases da convocatoria, que se poden consultar na web municipal. As persoas interesadas en formar parte deste proceso deberán presentar as instancias e toda a documentación mediante o rexistro xeral ou a sede electrónica do Concello de Boiro.
