O Centro de Saúde de Boiro vai acoller este mércores 3 de marzo pola tarde unha sesión divulgativa centrada no acoso dixital ás mulleres. A charla encádrase no ciclo Muller e Saúde (espazos seguros onde aprender, relacionarse e conectar), organizado polo Concello de Boiro. Desenvolverase en horario de 16.00 a 18.00 horas, baixo o epígrafe Ciberviolencia e control. Porá o foco nas estratexias de prevención e autoprotección dixital promovendo un uso seguro e responsábel das ferramentas dixitais. A charla será impartida pola Cruz Vermella de Boiro.
Trátase dunha actividade de balde. As inscricións poden facerse no enderezo electrónico cim@boiro.org ou no teléfono 669 582 674.
