O BNG presentou un rogo no pleno de febreiro do para activar a incorporación dos baixos da Martela como vivendas para familias de protección oficial.
A agrupación lembra que o 8 de xaneiro de 2026 a Xunta activaba unha Oferta Pública de Adquisición de locais en Ourense para transformalos en vivendas de promoción pública en alugueiro, cun investimento de 2M€.
Recordan que a conselleira Allegue explicaba en rolda de prensa que a iniciativa piloto en Ourense foi “un paso máis para incrementar o número de vivendas públicas na cidade, ao converter os locais en desuso en inmóbeis para uso residencial”.
O BNG lembra que o Instituto Galego de Vivenda e Solo (IGVS) conta no concello de Rianxo con baixos que poden incorporar a novas vivendas públicas xa, posto que situados na Martela son da súa propiedade.
“Solicitamos que o Concello se dirixa á Xunta para lembrarlle que ten xa predios que poden ter estes usos unha vez que os licitou varias veces sen comprador”, sinalan dende a agrupación nacionalista.
