As Rías Baixas e a comarca de Santiago afrontarán este luns 2 unha xornada marcada pola inestabilidade atmosférica debido á influencia dun centro de baixas presións situado sobre Portugal, que deixará tempo cambiante no oeste peninsular.
O ceo estará parcialmente nubrado, con intervalos de nubes que irán medrando ao longo do día e darán paso a chuvascos localmente fortes, acompañados de treboadas. As precipitacións serán máis probables e intensas nas comarcas atlánticas, afectando especialmente ao litoral das Rías Baixas e á área compostelá, mentres que no leste galego resultarán menos frecuentes.
No plano térmico, as temperaturas mínimas experimentarán un notable ascenso, deixando unha madrugada máis suave que en días anteriores. Pola contra, as máximas sufrirán un moderado descenso debido á maior presenza de nubes e ás precipitacións, o que se traducirá nun ambiente máis fresco nas horas centrais da xornada. (7 graos/ mínima/15graos máxima)
O vento soprará moderado de compoñente sur durante a mañá, rolando a norte a partir do mediodía, o que contribuirá a cambios na evolución das chuvias ao longo da tarde.
O noso mar; Vento do sur á mañá, do norte á tarde e do nordés á noite, forza 5 a 6 á mañá, 4 a 6 á tarde e 4 a 5 á noite. Forte marusía. Visibilidade regular á mañá e boa á tarde e á noite. Mar de fondo do noroeste, con ondas de 2 a 3 metros
