Galicia continuará o luns baixo a influencia das altas presións, mantendo unha situación de estabilidade atmosférica en boa parte do territorio.
Agárdanse ceos pouco nubrados ou con presenza de nubes altas, mentres que nas primeiras horas do día poderán formarse bancos de néboa en zonas do interior, que irán desaparecendo co paso da mañá.
As temperaturas non experimentarán cambios significativos, mantendo valores similares aos da xornada anterior (máximas de 20 a 24 graos).
En canto ao vento, soprará frouxo do nordés en xeral, con intervalos de maior intensidade no litoral, especialmente entre Estaca de Bares e Cabo Fisterra, onde se poderán rexistrar refachos fortes.
O noso mar: vento do nordés á mañá e á noite e do noroeste á tarde, forza 3 a 5 á mañá, 2 a 3 á tarde e 3 a 4 á noite. Marusía á mañá e á noite e mar ovellado á tarde. Visibilidade boa. Mar de fondo do noroeste, con ondas de 1 a 2 metros.
