Longamente agardada para, finalmente, decidir que a violencia que padece o persoal sanitario dispoña das medidas de protección e prevención necesarias para ser combatida eficazmente. A medida foi aprobada no Parlamento galego onte pola mañá e, deste xeito, en base ao novo marco legal, o Sergas poderá formular o troco de médico ou adscribir a outro centro de saúde durante ata cinco anos aos agresores do persoal sanitario (incluidos os técnicos e médicos do 061, obxectivo en moitas ocasións desas agresións). A protección aprobada vai ampliarse a todo o sistema sanitario, así como aos traballadores de empresas privadas que prestan os seus servizos no sistema público e con independencia do lugar no que se produza esa agresión: sexa nun centro, durante a traxecto a este ou mesmo nunha atención a domicilio.
Coa nova lei na man poderá sancionarse a violencia exercida por medios telemáticos por doentes, familiares ou acompañantes. Estes deberán respectar a honra e o prestixio profesional do persoal. O incumprimento de tal obriga será considerado unha infración sanitaria.
A lei regulará asimesmo as gravacións de vídeo e son ao persoal médico en consulta. Para facer estas, os doentes deberán solicitar permiso. En caso contrario será entendido coma unha rotura da confianza entre médico e doente, podendo o facultativo solicitar que o usuario sexa derivado a outro profesional.
Non haberá sancións económicas para as gravacións realizadas sen permiso, máis sí para aquelas outras condutas calificadas coma leves, graves e moi graves, cuxa contía vai desde os 300 aos 15.000 euros.
As agresións a sanitarios no exercicio da súa profesión é considerada desde o ano 2015 un delicto de atentado contra da autoridade, tal e como establece o artigo 550 bis do Código Penal.
A maioría das agresións son -nomeadamente en España- verbais (70%), mentres que a violencia física vai en torna ao 30%.
