Un ciclista resultou ferido de gravidade este mediodía tras sufrir unha caída cando circulaba pola estrada DP-6705, no punto quilométrico 0,8, na parroquia de Oleiros, no concello de Ribeira.
Segundo informou o 112 Galicia, foi unha persoa particular quen deu a voz de alarma arredor das 13:30 horas ao atopar ao ciclista inconsciente sobre a calzada e solicitar asistencia sanitaria urxente.
De inmediato mobilizáronse efectivos do Servizo de Urxencias Sanitarias de Galicia-061, así como os Bombeiros de Ribeira, a Policía Local, integrantes do GAEM e da Agrupación de Voluntarios de Protección Civil da localidade. Tamén foron informados os axentes da Garda Civil de Tráfico.
Unha vez no lugar, os equipos de emerxencia prestaron asistencia ao ferido, que foi evacuado en ambulancia ao centro hospitalario correspondente polo persoal sanitario. As circunstancias concretas da caída están sendo investigadas.
