Unha veciña percebeira de 54 anos residente na parroquia de Caamaño (O Porto do Son) faleceu na mañá deste martes 31 de marzo logo de ser arrastrada por un golpe de mar dende as rochas nas que se atopaba apañando percebes.
O accidente foi rexistrado polo 112 sobre as 10.00 horas deste martes na contorna de Baroña, nun enclave situado preto do Castro. A muller á deriva foi localizada por uns bateeiros que alertaron ao 112 Galicia e o servizo autonómico de emerxencias iniciou axiña un dispositivo no que participou un helicóptero. Tamén foi alertado o patrón maior da Confraría de Pescadores de Porto do Son, Emilio Queiruga, cuxo fixo Jorge guindouse ao mar para rescatar a percebeira, que foi trasladada a terra para recibir atención sanitaria, pero, segundo explicaron os implicados aos medios de comunicación, xa nada se puido facer para salvarlle a vida. Malia todo, os xestores o Centro Integrado de Atención ás Emerxencias de Galicia informaron a todos os organismos competentes, como Salvamento Marítimo, Servizo de Gardacostas de Galicia, Policía Local, Guardia Civil e Urxencias Sanitarias Galicia-061.
