O Centro Social de Abanqueiro (Boiro) acolle esta semana unha nova actividade divulgativa e dinamizadora do ciclo Muller e Saúde, impulsado polo Centro de Información á Muller (CIM) de Boiro e o Concello co obxectivo de achegar ás veciñas pautas para mellorar a súa calidade de vida e o seu apoderamento e tamén, para “ofrecerlles un espazo seguro onde aprender, relacionarse e conectar”.
A nova sesión celebrarase este venres 13 de marzo e dará comezo ás 16.00 horas. Levarase a cabo baixo o epígrafe Complementos na alimentación e será impartido polo experto Fernando Casal Couto, nutricionista da Escola galega de Saúde (SERGAS).
Inscricións no enderezo electrónico cim@boiro.org ou no teléfono 669 582 674. Trátase dunha actividade de balde.
