O alcalde de Rianxo, Julián Bustelo, informou de que esta semana chega ao seu remate a actuación para a renovación completa do firme da vía de acceso ao Montiño dende a DP-7203 (na parroquia de Taragoña).
Ademais dos traballos de asfaltado, tamén se instalou unha nova rede para a recollida de augas pluviais para mellorar a súa evacuación e evitar que deterioren a pista no futuro.
O rexedor engadiu que nos vindeiros días farase tamén o tramo comprendido entre o Burato e o Périto (ata a ponte sobre a autovía AG-11).
