O Concello de Rianxo e o Servizo Galego de Saúde impulsan un ciclo de charlas informativas sobre a prevención do risco cardiovascular.
As charlas serán impartidas por enfermeiras do Centro de Saúde de Rianxo, ás que as persoas asistentes poderán facer chegar as súas dúbidas sobre esta cuestión (medidas a pór en práctica para garantir un corazón saudábel e previr riscos cardiovasculares).
As sesións levaranse a cabo en Taragoña (o luns 6 de abril pola mañá no Centro Cultural e Deportivo), no Araño (o luns 6 de abril a partir das 11.45 horas no Centro Sociocultural da Capela), en Leiro (o xoves 9 de abril pola mañá no Centro Sociocultural Vicente Vidal), en Isorna (o xoves 9 de abril ao mediodía na Casa da República) e en Rianxo (o mércores 8 de abril pola mañá na praza de Castelao, cunha mesa informativa).
