O Concello de Muros informou do comezo dos traballos de poda e renovación das árbores nos colexios de Infantil e Primaria e das súas contornas.
No CEIP de Louro xa se está actuando en 98 árbores, principalmente chopos e piñeiros, nunha intervención de preto de 18.000 euros, segundo explica a concelleira de Ensino, Laura Rivadeneira.
Nos vindeiros días os traballos continuarán no CEIP Ramón de Artaza.
O Concello engadiu que antes das actuacións realizouse unha avaliación técnica do arborado. Grazas a estes exames constatouse que algúns exemplares chegaron ao final da súa vida útil e, aínda que non están enfermos, non soportan podas duras sen risco de rotura ou caída, polo que os profesionais recomendan a súa retirada.
A alcaldesa, María Lago, lembrou que “a seguridade das nenas e nenos nos centros educativos é unha prioridade absoluta e actuar a tempo é fundamental para garantir espazos escolares seguros”.
