Tres son os símbolos de poder de ditadura de Franco: o Val dos Caídos, o Palacio do Pardo e o Pazo de Meirás, este construido por orde da escritora galega Emilia Pardo Bazán a finais do século XIX.
Convertido en residencia de verán de Franco e a súa familia durante toda a etapa franquista, o Tribunal Supremo ven de confirmar a sentenza da Audiencia da Coruña que ordena aos netos de Francisco Franco devolver ao Estado o devandito Pazo, desestimando así a Sala Primeira deste tribunal todos os recursos interpostos contra desa sentenza, tanto o da familia do ex-Xefe do Estado (que aspiraba a que se lle recoñecese a propiedade da finca) como o das administracións públicas (que dicían non ter que indemnizar aos herdeiros polos gastos asumidos por eles para mellorar o inmoble).
Conclúe a Sala que o pazo foi destinado ao servizo da xefatura do Estado desde 1938 coma unha dependencia semellante ao Palacio do Pardo e salienta que os seus moradores non posuiron a finca en calidade de donos como mínimo ata a década dos 90 do século XX. Foi cando deixou de prestar servizo ás administracións, motivo polo que non transcorreu o prazo legal de 30 anos para poderen adquirir a propiedade por esta via. A sala establece que non se dan os requisitos para desposuir ao inmoble dese carácter de ben de dominio público. A decisión do Supremo significa “devolver ao público o que público era”, segundo espuxo o ministro de Política Territorial e Memoria Democrática, Ángel Víctor Torres.
O Supremo conclúe asimesmo que os Martínez-Bordiu Franco “deben ser indemnizados”. Esta jndemnización podería roldar os 800.000 euros.
O BNG reclama que o Pazo pertenza a Galicia e non a España.
