O avance das obras da senda peonil e ciclista entre O Milladoiro e a estación Intermodal de Santiago de Compostela obrigará a realizar un corte puntual de tráfico este mércores, 11 de marzo, no enlace que conecta a Autovía AG‑56 coa SC‑20 e coa AP‑9 en sentido Santiago de Compostela.
A restrición da circulación será necesaria para executar o montaxe dunha pasarela no punto quilométrico 1+390 da nova senda, unha operación que require ocupar a zona e aplicar medidas especiais de seguridade durante os traballos.
Segundo a previsión inicial, a afección ao tráfico limitarase unicamente á xornada do mércores, en horario diúrno, entre as 9.00 e as 20.00 horas.
Ramais que permanecerán pechados
Durante ese período permanecerán pechados os seguintes accesos:
- Ramal 72: saída da AG-56 e incorporación á SC-20 en sentido Santiago (pk 72+000 a 72+400).
- Ramal 70: incorporación á AG-56 desde a SC-20 en sentido Santiago (pk 70+000 a 70+400).
- Ramal 71: incorporación á AG-56 desde a SC-20 en sentido Santiago (pk 71+000 a 71+900).
Itinerarios alternativos
Para minimizar o impacto na circulación habilitaranse desvíos alternativos.
O tráfico procedente da AG-56 cara a Santiago pola SC-20 deberá incorporarse á SC-20 en sentido Milladoiro polo ramal 73 e realizar o cambio de sentido na glorieta de O Milladoiro.
Pola súa banda, os vehículos que circulen pola SC-20 en sentido Santiago e queiran incorporarse á AG-56 ou á AP-9 deberán continuar ata a glorieta de enlace co Complexo Hospitalario Universitario de Santiago (CHUS), onde poderán facer o cambio de sentido para acceder posteriormente á AG-56 ou á AP-9 desde a SC-20 en sentido Milladoiro polo ramal 74.
