O vindeiro 4 de abril arrincará en Porto do Son a terceira edición do Ciclo de Monólogos que organiza a Área de Cultura municipal e que brindará á veciñanza catro espectáculos de primeira liña todos os martes do dito mes na Casa da Cultura de Porto do Son ás 21.00 horas.
A axenda dará comezo con Oswaldo Digón Alba o devandito 4 de abril, coa función Monólogo comedia.
O día 11 será a quenda de Jazmín Abuín Janeiro, co espectáculo Riquiña.
O 18 de abril o ciclo proseguirá con Celso Sanmartín e a proposta Contar.
O ciclo rematará co actor e humorista Xosé Antonio Touriñán, achegando o seu espectáculo Aquí Tou!.
As entradas estarán á venda por catro euros (cada monólogo) na Casa da Cultura de Porto do Son de luns a venres de 8:30h a 15:00h e os sábados de función dende as 19:00 horas.
