O narrador e actor arousán Carlos Blanco (Vilagarcía, 1959) estará o 22 de marzo en Rianxo para achegar á veciñanza o seu espectáculo A penúltima. Será ás 18.30 horas na Sala Arcos Moldes do Auditorio Municipal. Trátase dun espectáculo duns 70 minutos de duración con entradas á venda a través de Ataquilla.com. Organizan Condetrespés coa colaboración do Concello de Rianxo.
Carlos Blanco presenta A Penúltima, un novo espectáculo no que volve combinar humor, memoria e unha ollada irónica sobre o paso do tempo. Imaxes, historias novas e outras xa coñecidas entrelázanse nun monólogo no que a risa está garantida.
Durante algo máis dunha hora, Carlos Blanco ofrece un espectáculo divertido, lúcido e, en certo modo, curativo.
