A Mancomunidade Barbanza Arousa, formada polos concellos da Pobra do Caramiñal, Rianxo, Boiro e Ribeira, entregou na mañá deste martes 3 de marzo os galardóns da novena edición da Ruta de Tapas + q Tapas, impulsada pola entidade supramunicipal.
A hostalaría dos catro concellos foi a protagonistas da enogastronomía de Barbanza Arousa durante todas as fins de semana de novembro.
Obradoiros, degustacións, agasallos e sorteos puxeron en valor a enogastronomía de Barbanza Arousa entre público de todas as idades.
Nesta ocasión os establecementos premiados foron os seguintes:
A Pobra do Caramiñal
1º- La Calle
2º – Taberna dos Cuñados
3º – O Xanxo
Boiro
1º – La Tablita
2 – La UBI
3- Furia
Rianxo
1º – Aghro da Corna
2º – O Castelao
3º – O Vilar
Ribeira
1º – A Recoveira
2º – Échale Huevos
3º – Tapería A de Maris
Nesta edición foron 34 os locais participantes, que serviron máis de 6.500 tapas ao longo das catro fins de semana.
“Estas cifras”, informaron dende a Mancomunidade, “evidencian a relevancia do sector hostaleiro no desenvolvemento económico do territorio, cun impacto directo estimado superior aos 32.000 euros nos propios establecementos”.
O obxectivo da Mancomunidade é resaltar a riqueza gastronómica do territorio, así como os viños da IXP Barbanza e Iria, fomentando a actividade hostaleira en tempada baixa.
